Stjórn Öldu er nú fullskipuð að loknu slembivali. Það eru Sibeso Sveinsson og Anna Rún Tryggvadóttir sem voru valdar í slembivalinu. Þær eru fyrstu slembivöldu fulltrúarnir í stjórn Öldu. Við bjóðum þær hjartanlega velkomnar.
Haldinn verður opinn fundur um starfið í vetur á miðvikudagskvöld kl. 20 í Grasrótarmiðstöðinni. Þar veður rætt um málefnahópa, verkefni og viðburði á komandi vetri.
Hver sem er getur stofnað málefnahóp og við hvetjum félagsmenn til þess að gera það. Við hvetjum alla til þess að mæta á miðvikudaginn og vera með í að skipuleggja starfið.
Svolítið var rætt um starfið í vetur á síðasta stjórnarfundi. Meðal verkefna sem hafa verið í vinnslu eða á döfinni má nefna:
- Stytting vinnutíma
- Skilyrðislaus grunnframfærsla
- Real Democracy now – vefsvæði með kynningum á þátttökuferlum
- Þjóðfundur
- Endurhönnun/Endurnýting
- Sjálfbærni, stóra myndin
- Lýðræðislegir skólar
- Stefna fyrir stjórnmálaflokka
- Greiningardeild. – Aðrir mælikvarðar
- Fjölmiðlar. – Full fact
- Alþjóðamál
- Minnihlutahópar
Hlökkum til að sjá ykkur sem flest!
Allir fundir hjá Öldu eru öllum opnir. Reynt er til þrautar að leiða mál til lykta samhljóða (e. consensus).